Charter Document - 07120177
| Charter Number: | 07120177 |
|---|---|
| Cartulary Title: | Textus Roffensis |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1108 - 1124 |
| Date type: | Assigned |
| Resource Link(s): |
University of Manchester Medieval Collection - Textus Roffensis (p401) |
Charter:
Ernulfus Rofensis episcopus omnibus hominibus de Buchingeham Francis et Anglis salutem Sciatus me concessisse ecclesie Sancti Andree de Rouecestra ad luminaria eiusdem ecclesie ecclesiam de Edenham et terras et decimas omnes quas ipsa ecclesia hucusque habuit uel deinceps habere poterit cum omnibus rebus in campis et pratis ad ipsam ecclesiam pertinentibus Decimam etiam de dominio de Edenham et de Cudintuna in annona in uitulis in agnis in pullinis in purcellis unam quoque hagam et dimidiam hidam terre in Hedenham quas Ansfridus clericus in uita sua tenuit Hec omnia concessi et dedi ecclesie Sancti Andree ut ipsa ecclesia deinceps inperpetuum hec habeat et teneat pro anima mea ita ut secretarius ecclesie quicunque ille fuerit post obitum meum singulis annis in die anniuersarii mei det pro anima mea decem solidatas panis pauperibus et xx solidos in refectorium fratribus Huius concessionis testes sunt ecclesie Sancti Andree prior Orduinus et totus fratrum conuentus Heruisus eiusdem ecclesie archidiaconus Rodbertus Dofforensis Egelwordus et Helias clerici Ansfridus Dapifer et miles eius Willelmus de Sancto Albano Willelmus de Cusintuna cum filio suo Wimundo Radulfus Picot de Stisteda Robertus et Ricardus cubicularii et plures alii Franci et Angli