Charter Document - 07120132
| Charter Number: | 07120132 |
|---|---|
| Cartulary Title: | Textus Roffensis |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1077 - 1108 |
| Date type: | Assigned |
| Resource Link(s): |
University of Manchester Medieval Collection - Textus Roffensis (p384) |
Charter:
Ego Willielmus de Albineio pincerna regis concedo Deo et sancto Andree de Rovecestria et monachis ejusdem loci totam meam decimam de villa mea que vocatur Elham in omnibus rebus scilicet de bleio et de pasnagio et de molendinis et de pecudibus et de lana et de caseis et unam carucatam de terra in Achestede et unum boscum quod vocatur Acholte que duo jacent in Elham et medietatem decime de Biseuvitune in omnibus rebus pro anima domini mei Willielmi regis et Henrici regis atque pro anima mea et patris mei et matris mee et uxoris mee et fratris mei Nigelli et nepotis mei Hunfridi et aliorum parentum meorum vivorum atque mortuorum Testibus militibus meis Nigello del Wast Ausfredo Capellano Radulfo de Chieresburgh Ricardo Caneleu Ansgoto Camerario Rogero de Elham Radulfo Clerico Episcopi Gundulfi et Ansfredo Dapifero ejus