Charter Document - 07034464
| Charter Number: | 07034464 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f39v) |
Charter:
W[illelmus] permissione [] precordialissimo in Christo filio et amico magistro Paulo decacauiti de Urbe capellano domini pape canonico nostro Suwellensi salutem cum omni prosperitate et honore Letamur in Domino et gaudenter in tam egregio filio gratulamur quod vos Deus nobis in adjutorem et sollicitudinis nostre promotorem sui gracia jam providit Amice predilecte et amande jam imminent nobis gravissima et ardua negocia nos et ecclesiam nostram Eboracensem sub ignominia tangencia et rubore que tanto amico et benivolo in oportunam concipimus resurgendi per secretarium nostrum exhibitorem presencium ex confidencia denudamus qui si placet merores et angustias nostras que nobis noviter successerunt vobis sub oris compendio propter crebras occupaciones vestras absque tedii tractu super delacione crucis nostre per totam Angliam deferende in cujus possessione vel quasi predecessores nostri extiterunt et Decretalium epistola commemorat quam possessionem vel quasi dominus Cantuariensis nunc perturbare hactenus non cessavit reverenter referet vice nostra Que insuper luctuosa negocia venerabili patri et domino summo pontifici ac domino Jordano cardinali plene per litteram nunciamus cui si placet obtentu Dei et nostri ad respiracionem nostram in hiis nostris precum primiciis sicut amicus firmissimus assistatis et per Dei graciam in conspectu presertim Altissimi gaudebitis de labore Isti eciam nuncio nostro confidenti in impetracionibus et agendis suis pro Deo quantum commode poteritis in consiliis et congruis presidiis faveatis Data apud Burton kalendas Aprilis anno gratie MCC octogesimo