Charter Document - 07033740
| Charter Number: | 07033740 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1279 |
| Date type: | Assigned |
| Resource Link(s): |
Borthwick Institute - Register 3 (f85r) |
Charter:
Nicholaus episcopus [] venerabili fratri Willelmo archiepiscopo Eboracensi salutem [] Cum pallium insigne videlicet pontificalis officii a nobis cum ea qua decuit instancia humiliter postulasses nos tuis supplicacionibus annuentes ipsum de corpore Beati Petri sumptum tibi per dilectum filium nostrum Jacobo Sancte Marie in Cosmedin dyaconum cardinalem prestito a te nobis nostro et ecclesie Romane nomine fidelitatis solite juramento duximus assignandum ut illo intra ecclesiam tuam illis diebus utaris qui expressi in ipsius ecclesie privilegiis continentur Ut igitur signum non discrepet a signato set quod geris exterius intus serves in mente fraternitatem tuam monemus et hortamur attente quatinus humilitatem et justiciam dante Domino qui dat munera et premia elargitur observare studeas que suum servant et promovent servitorem ac Ebor ecclesiam sponsam tuam cures sollicite auctore Domino spiritualibus incrementis et temporalibus ampliare