Charter Document - 07033464
| Charter Number: | 07033464 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f39v) |
Charter:
Amantissimo et precordiali benivolo et amico suo magistro Benedicto sacrosancte Sedis Apostolice notario suus devotissimus sacerdos W[illelmus] permissione [] salutem et cum omni prosperitate et honore graciam in presenti et gloriam in futuro Ne acerbitas protraccioris et diffuse querele mee hiis diebus non absque lacrimis et cordis angustiis exponende utpote super bajulacione [] vestre occupacioni quod absit cedat in tedium querelam hujusmodi venerabili patri et confidenti nostro domino Jordano cardinali litteris licet prolixis recitavimus lacius cum dolore Et quia spes et sors sacerdotis vestri in misericordia et manibus vestris consistit a langoribus et probrosis miseriis resurgendi vobis si placet dictus amantissimus pater noster et dominus communicabit brevibus sic suggesta Et supplicamus vobis prorsus et ex precordiis provoluti quatinus eidem lamentabili negocio suffragium benivolencie vestre ad recreacionem et consolamen dolentis anime ad vestri meritum et gloriam applicetis nobis utpote vere vestro vestra beneplacita et injuncta frequenter cum fiducia nunciantes Conservet vos ecclesie et populo suo Deus per tempora longiora Data apud Burton kalendas Aprilis anno gratie MCC octogesimo