Charter Document - 07032559
| Charter Number: | 07032559 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1279 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f50v) |
Charter:
Universis presentes litteras inspecturis vel audituris magister Willelmus de la Corner domini pape capellanus salutem in Domino sempiternam Noverit universitas vestra quod cum placeat venerande religionis viris dominis priori et conventui Dunelmensibus unanimiter consencientibus quod ecclesia mea de Scypwyth in qua jus patronatus habere dinoscuntur in ecclesia de Houedene ordinacione reverendi patris domini Willelmus [] interveniente prebenda efficiatur et ibidem in numero prebendarum perpetuo computetur ego eorum in omnibus voluntatibus condescendere et consensum imitari desiderans id ipsum quantum in me est concedo ac ordinacioni dicti domini Eboracensis archiepiscopi me totaliter in hac parte submitto ratum habens et firmum quicquid predictus dominus archiepiscopus tam de statu dicte ecclesie de Scypwyth quam de porcione perpetui vicarii preficiendi in eadem statuendum duxerit ordinandum seu providendum In cujus rei testimonium sigillum meum duxi presentibus apponendum Datum apud Claketone vj kalendas Januarii Anno Domini MCCLXXIX