Charter Document - 07032518
| Charter Number: | 07032518 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f48v) |
Charter:
Officialis curie Eboracensis rectoribus vicariis per archidiaconatum Estridinge constitutis salutem [] Presente nuper domino nostro in capitulo Eboracensi per ipsum ac prefatum capitulum provide fuerat ordinatum quod ad exoneracionem decanorum ac sacerdotum parochialium ordinarentur communes servientes pro citacionibus faciendis in archidiaconatibus quibuscumque dioecesis Eboracensis si forsan servientes hujusmodi antea non fuissent ordinati Qui quidem servientes in singulis consistoriis curie Eboracensis die consistorii archidiaconis hujusmodi pro execucionibus faciendis ac mandatis nostris recipiendis ac de eisdem ut convenit cerei orandis se presentent Unde cum dominus officialis vester Adam de Arnhale litteratum pro officio hujusmodi ut credimus competentem in servientem vestrum admiserit et creaverit provide ut speramus volumus ac nihilominus in virtute obediencie firmiter injungendo mandamus quatinus eundem Adam recommendatum ob reverenciam domini nostri et nostram habentes eundem cum ad vos declinaverit pro officii sui execucione liberaliter admittatis et tractetis curialiter prout decet sic vos habentes in premissis quod cum ad vos pro tempore venerit de vobis se commendare debeat et vobis ipsius contemplacione in vestris negociis favorabilius astringamur Bene valete Datum []