Charter Document - 07032466
| Charter Number: | 07032466 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Recommendation |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f40r) |
Charter:
Reverendo [] domino Matthaeus Sancte Marie in Porticu sacrosancte Sedis Apostolice dyacono cardinali suus [] cum intima et devota reverencia promptissimum pro viribus famulatum Pater precordialis et karissime ex pregrandi cordis confidencia ad misericordiam et benivolenciam consuete pietatis vestre desolati et languidi et diversis hiis diebus injuriis lacerati recurrimus juncta manu humili prostracione et ex totis precordiis supplicantes quatinus precordialem et predilectum clericum nostrum magistrum H[ugonem] de E[vesham] canonicum nostrum Eboracensem qui dominacioni vestre si placet breviter sine occupacionis tedio masticis et merores nostros recitabit ad credulitatis et exaudicionis graciam compassionis motibus admittatis nos et ecclesiam nostram Eboracensem que solemnis et celebris consuevit ubique per orbem hactenus reputari ab ignominia et incursibus oppressorum misericorditer eruendo et maxime ne honor corruat Crucifixi cujus vexillum a tempore continuo cujus non extat memoria per totum regnum Anglie nos et predecessores nostri in signum primacie nostre quiete semper deferri fecimus usque modo et pro exaltacione sancte crucis et reverencia redempcionis nostre tuicionem seu tutamen aliquod nobis pie preparetis contra invidentes perperam huic signo Pater reverende alia vobis noster sicut credimus nunciat procurator cui fidem firmam satis adhibetis bene scimus Et si quid penes tantillum presbiterum volueritis ecce ad precepta vestra et beneplacita totus vester sicut vos per Dei graciam specialiter noster esse intenditis econverso ad quod sicut confidimus bene recognoscitis obligatos Conservet vos ecclesie et populo suo Deus per tempora longiora Data apud Wyltone iiii Idus Septembri anno gratie MCC octogesimo