Charter Document - 07032464
| Charter Number: | 07032464 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f39v) |
Charter:
Reverendo in Christo patri et domino confidenti domino [Anchero] Dei gracia tituli Sancte Praxedis presbitero cardinali W[illelmus] permissione [] seipsum cum recommendacione devota semper pronum ad beneplacita juxta vires Causam nostram communem quin pocius inproprium mutuum quod in offensam Dei et ecclesie nostre Eboracensis communis recidit et redundat dominacionis vestre compassioni per secretarium nostrum exhibitorem presencium sub grandi cordis confidencia et non absque anime et mentis angustia intimo sicut vester ut vos si placet ex pietatis saltem dulcedine unacum domino Jordano con cardinali vestro cui votive supplico pro eodem et ceteris amicis nostris communibus commune dedecus et dispendium ad respiracionem mei viriliter si placet et pro viribus reparatis ne ecclesia nostra communis Eboracensis que in vos firmum fundamentum tocius consolacionis et confidencie radicitus jam direxit sub tanto confusionis rubore amplius lugeat vel languescat Conservet vos ecclesie et populo suo Deus per tempora longiora Data apud Burton kalendas Aprilis anno gratie MCC octogesimo