Charter Document - 07032382

W[illelmus] [] Dilecto in Christo filii Archidiacono Richemundie vel [] Officiali salutem gratam [] Sicut in humano corpore membrorum diversitas per officia varia natura mediante distributa robur ipsius corporis conservat et pulcritudinem representat ita in corpore ecclesie personarum varietas per diversa rerum officia canone approbante destinata sancte Dei ecclesie fortitudinem roborat et venustatem exornat sic enim caput quantumcumque principale membrum existat absque ceterorum adminiculo ad regimen tocius corporis non sufficit ita nec episcopus quamvis ecclesie caput absque inferiorum ministrorum officio commissam sibi dyoecesym totam per se regere nequid ideoque per singulas parochias provisione salubri singulos rectores institui sacrorum canonum sanxit auctoritas qui curam animarum sub episcopo inmediate exercere debeant et in examine districti de eisdem judicii respondere Cum igitur plerique dioecesis nostre clerici ardore cupiditatis succensi fame sue seculari non curantes consulere nec saluti nec animarum suarum periculum nulla tenus attendentes dum insufficienciam suam non dijudicant vel eque ponderant in statera plurium parochiarum curam cum vix ad unius sufficiant recipere ac tenere sine dispensacione Sedis Apostolice non formidant animas procul dubio quas curare non possunt miserabiliter defraudando bonaque non sua immo pocius Crucifixi nequiter occupando ne per dissimulacionis perniciem tanti videamur criminis non expertes ne penam quam jus novum et vetus infligit in status nostri periculum aliquatenus incurramus Discreciomi vestre firmiter injungendo mandamus quatinus citetis nominatim et peremptorie omnes rectores decanatuum de Aumundernesse Kendale et Lounesdale plura beneficia ecclesiastica cum cura optinentes annexa quod sint coram nobis seu commissariis per se vel per procuratores sufficienter instructos in ecclesia parochiali de Kirkeby in Kendale die Lune proxima post festum Assumpcionis Domini quem pro termino eis tenore presencium per vos peremptorie assignamus et per vos precise prefigi mandamus ostensuri dispensationes competentes si quas habent quarum optentu hujusmodi beneficia licite optinere possint et canonice retinere denunciantes eisdem quod juxta statutum Concilii Generalis intendimus disponente Domino cuilibet in hac parte exhibere absque dissimulacione qualibet justicie complementum Ceterum ne ex vicioso ingressu possidentes spiritualia perniciose periclitari contingat ac dum singula in luce clarescant incumbencium jus sanccius et evidencius innotescat vobis mandamus quatinus citetis nominatim omnes abbates priores proprios non habent es abbates ceterosque religiosos et alios parochiales ecclesias seu pensiones suis usibus tenentes applicatas quod appareant coram nobis vel commissariis nostris die et loco predictis canonice ostensuri quo jure hiis incumbunt Item citetis nominatim et peremptorie ad eundem diem et locum omnes qui in decanatibus supradictis post Concilium Lugdunense ecclesiastica beneficia receperunt nec infra annum subsequentem se ad ordinem sacerdocii fecerant promoveri ut ibidem canonice censuram recipiant Concilii Generalis Ita diligenter et votive vos habentes in hac parte ne oporteat nos super hiis censure re fricatis laboribus laborare Super hujusmodi execucione mandati de nominibus citatorum et ecclesiarum quas sic optinent nos seriatim et distincte ad diem certificantes per litteras vestras patentes harum seriem continentes Datum apud Kokersand Idibus Aprilis pontificatus nostri anno secundo