Charter Document - 07032299
| Charter Number: | 07032299 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Absolution |
| Date: | 1278 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f17r) Reference Document for this Embedded Document |
Charter:
Venerabili in Christo patri Dei gracia archiepiscopo Eboracensi frater Nicholaus domini pape penitenciarius salutem in Domino Robertum de Kernedby presbiterum vestre dyoecesis latorem presencium qui quendam presbiterum cum ense percussit in capite ita quod ipsius lesit auriculam de qua percussione est plene curatus nec propter hoc ad divina inhabilis est effectus et in quosdam alios clericos manus violentas injecit ad vos auctoritate domini pape ab excommunicacione quam propter hoc incurrit remittimus juxta formam ecclesie absolutum mandantes eidem sub debito prestiti juramenti ut passis injuriam si non satisfecit satisfaciat competenter Paternitati vestre auctoritate committentes eadem quatinus injuncta ei pro culpe modo penitencia competenti tandem suffragantibus sibi meritis alioque canonico non obstante super irregularitate quam sic ligatus per simplicitatem et juris ignoranciam non tamen in contemptum clavium se divinis immiscendo contraxit cum ipso misericorditer dispensetis Quod si forte satisfacere contempserit ipsum in excommunicacionis vinculum reducatis Data Roma apud Sanctum Petrum iij kalendas Decembri pontificatus domini Nicholai pape iij anno primo