Charter Document - 07031733
| Charter Number: | 07031733 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1284 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f83r) |
Charter:
W[illelmus] permissione divina [] dilectis in Christo filii Subpriori et conventui de Thurgartone salutem [] Oblata nobis ex parte vestra duabus eleccionibus per vos factis quarum una de fratre Alexandro de Gedling et alia de fratre Nicholao de Gamelay concanonicis vestris extitit attemptata eas examinavimus quas quia tam contra canones quam formam Generalis Concilii factas comperimus non personarum vicio est propter forme defectum irritando cassavimus justicia exigente Postulaciones autem duas nobis eciam ex parte vestra exhibitas quarum una de fratre Rogero de Batelay concanonico vestro et alia de fratre Gilberto de Ponte Burgi canonico Sancti Oswaldi facta extitit tum quia in forma peccarunt Concilii tum quia in discordia processerant manifesta non duximus admittendas reservata nobis providendi vobis de persona ydonea potestate Sane circa statum vestri quem inmensum depressum cernimus curam gerentes sollicitam et intentam ut vobis consideracione provida utiliter consulamus quia prefatum Gilbertum de Ponte Burgi virum in spiritualibus providum et in temporalibus circumspectum in regulari disciplina instructum ac virtutibus alias comperimus insignitum quem multi vestrum eciam apud nos multipliciter commendabant ipsum vobis et domui vestre de Thurgartone in priorem prefecimus et vobis et ecclesie vestre de persona sua providimus graciose Quocirca devocioni vestre in virtute sancte obediencie injungimus et mandamus quatinus prefatum Gilbertum priorem vestrum sic per nos canonice institutum reverencius admittentes eidem tanquam devoti filii obedienter intendatis decetero in omnibus ut priori qui vos paternis visceribus sicut regulari discipline convenit in singulis dante Deo pertractabit Valete Datum apud Wyltone vii Idus Julii anno pontificatus nostri quinto