Charter Document - 07031687
| Charter Number: | 07031687 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f69r) |
Charter:
Venerabili [] Bathoniensi et Wellensi episcopo W[illelmus] permissione [] et ad Dei beneplacita continuum incrementum Ad vestrum pater dilectissime unicum et singulare in regia curia subsidium in singulis agendis confidentissime recurrentes vobis innotescimus quod licet ecclesiam de Silkestone per consecracionem venerabilis patris Menevensis Episcopi diu est vacantem lapsis temporum consuetis presentacionis faciende curriculis dilecto filio domino Rogero de Maltone quondam magistro hospitalis Beati Leonardi Eboracensis ad aliqualem reparacionem ruine quam patitur ut nostis repentine desolatus auctoritate Concilii nuper contulerimus intuitu caritatis Ecce nonnulli indevocionis filii sub umbra habitus regularis vitam agentes irregularem monachi videlicet de Pontefracto cum suis complicibus hujusmodi collacioni nostre se fraudulenter opponentes ecclesiam ipsam in multitudine armatorum Dei sanctuario minime deferentes non sine intrusionis vicie irreverenter hiis diebus occuparunt et in nostri et ecclesie nostre Eboracensis prejudicium et contemptum dampnabiliter sic detinent occupatam Hinc est cum ecclesiastice censure vigor ad reprimendam eorum insolenciam sufficere nequeat in premissis paternitati vestre intimis visceribus duximus supplicandum quatinus ea que domino regi nostro scribimus in hac parte favorabiliter prosequentes remedium super istis ob solum Deum cujus negocium agitur adhibere dignemini oportunum Alias quidem scripserat dominus rex vicecomiti Eboracensi pro laicali potestate amovenda quod attendentes monachi amota vi laicali sese in multitudine armatorum monachorum videlicet et clericorum in regii elusionem mandati hujusmodi potencie terribiliter subrogarunt ac ecclesiastice discipline auctoritatem contempnentes spretaque professionis religiose honestate taliter possessioni ejusdem ecclesie incumbunt plusquam laici proch dolor sevientes contra Deum Huic malicie provida pater occurrere velitis cautela domino regi et regine quos prefato Rogero in solacium note depressionis ejusdem ne in sacerdotalis ministerii obprobrium post meritorii laboris sui cursum cui regia succedit majestas contra debitum pietatis officium in ultimis jam diebus mendicare miserabiliter cogatur favere estimamus si placet seriatim exponentes ut post hujusmodi vite resolucionem premium eternaliter reportare valeatis pro labore sic impenso Datum []