Charter Document - 07031654
| Charter Number: | 07031654 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f66v) |
Charter:
W[illelmus] permissione [] dilecto sibi in Christo domino vicecomiti Eboracensi salutem cum benediccione et gracia Salvatoris Vestre devocioni tenore presencium non absque tedio cordis et angustiis nunciamus quod postquam ab ecclesia de Feriby vim et resistenciam laicalem nuper ad mandatum regium a movistis iidem et alii jam iterato amplius solito servientes eandem ecclesiam occupant et detinent violenter ac sacerdotes et clericos ejusdem ecclesie fere ad mortem sicut didicimus primitus verberatos inmanissime extra ecclesiam et sanctuarium expulerunt et impetu furioso multa ibidem perpetrant que abominabili corde horrifice abhorremus Unde devocioni vestre supplicamus quatinus circa durabile et firmum remedium contra perversitatem hujusmodi adhibendum ob reverenciam Dei totis viribus celeriter laboretis ne pacem regiam vel factum nostrum debite inchoatum derideant amplius vel infringant Ecce enim patrimonium Crucifixi passim dilapidant et consumunt nec officium nostrum ibidem sustinent set salutem omnino impediunt subditorum sicut hoc domino regi plenius nunciamus qui sicut speramus de fideli et celeri diligencia vestra intime congaudebit dummodo sibi serio suggeratur Vestram si placet nobis super hoc voluntatem et benivolenciam rescribatis Datum apud Beverlaci iii Kalendas Septembri pontificatus nostri []