Charter Document - 07031637
| Charter Number: | 07031637 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f60v) |
Charter:
Universis sancte matris ecclesie filiis ad quos pervenerit hec scriptura W[illelmus] permissione [] salutem in Auctore salutis Attendentes devota domini Johannis de Metingham serenissimi domini nostri regis clerici obsequia ac votiva et fructifera utilitatis opera quibus ecclesiam nostram Eboracensem jugiter noscitur prevenire set et pregrandem ecclesie nostre ponderantes necessitatem qua talis et tante persone presidio continue indigemus ob evidentem ipsius ecclesie utilitatem quin pocius necessitatem de concordi et unanimi decani et capituli nostri assensu eidem Johanni xx libris annuas de bonis ejusdem ecclesie per manus nostras et successorum nostrorum tam diu ordinamus percipiendas donec eidem Johanni in beneficio prebendali per nos aut eosdem successores nostros provisum fuerit competenti Hac eadem ordinacione nostra consensu predictorum decani et capituli unanimiter interveniente statuentes et ordinantes quod magister Robertus de Schartheburge prebendarius prebende de Knaresburg ac omnes et singuli ejusdem prebende prebendarii quos prebendam eandem habere contigerit in futurum cum eorundem agatur utilitas honor et securitas in hac parte de fructibus ejusdem prebende nobis et successoribus nostris pro relevacione oneris pensionis hujusmodi de predictis xx libris in festis Beati Michaelis et Pasce pro porcionibus equalibus tam diu espondeant ac satisfaciant annuatim donec erga clericum memoratum de pensione premissa omnino fuerimus liberati ita quod prebendarios ipsos per quamcumque ecclesiasticam censuram ad solucionem hujusmodi absque quocumque strepitu judiciali tam nos quam nostri successores cohercere et compellere valeamus In premissorum testimonium tam nos quam decanus et capitulum nostrum memoratum presentes nostrorum munimine sigillorum litteras fecimus communiri Datum in capitulo nostro Ebor vi Idus Maii Anno Domini MCC octogesimo