Charter Document - 07031612

E[dwardus] [] venerabili [] Ex querela venerabilis patris Giffard Wygorniensis episcopi et aliorum executorum testamenti bone memorie Walteri Giffard quondam Eboracensis archiepiscopi predecessoris vestri accepimus quod cum dudum post mortem ejusdem archiepiscopi bona et catalla sua occasione debitorum in quibus nobis tenebatur die quo obiit prout moris est capi fecerimus in manum nostram et eadem bona et catalla postea prefatis executoribus prestita nobis sufficienti securitate ab eisdem de debitis illis nobis reddendis restitui fecerimus et per eandem securitatem secundum consuetudinem curie nostre de bonis predictis liberam administracionem ad execucionem testamenti predicti inde faciendam eisdem executoribus concesserimus vos nihilominus ad mandatum venerabilis patris Johannes Dublynensis archiepiscopi et magistri Ardicionis collectorum decime dudum in subsidium Terre Sancte assignate bona predicta sub sequestro facitis detineri quominus dicti executores de bonis illis predicta debita nostra levare et nobis inde satisfacere ac voluntatem dicti defuncti adimplere possint sicut debent Et quia secundum dignitatem nostram in solucione debitorum que a defunctis debentur ceteris creditoribus preferri debemus dicta eciam bona per securitatem predictam nobis factam sub manu nostra adhuc existunt vobis mandamus quod ab impedimento quod prefatis executoribus super solucione dictorum debitorum nostrorum que nobis primitus solvi debent nobis facienda per sequestrum hujusmodi et detencionem bonorum illorum hactenus prestitistis desistatis intuitu juris nostri et eosdem executores de bonis predictis liberam administracionem habere permittatis ita quod clamor ad nos inde non perveniat iteratus per quod pro jure nostro in hac parte manum ad hoc aliter apponere debeamus Teste me ipso Apud Westmonsaterium xxviii die Maii anno regis regie ix