Charter Document - 07031574
| Charter Number: | 07031574 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f51v) |
Charter:
W[illelmus] [] dilectis in Christi filio [] Subpriori et canonicis ecclesie nostre de Sancto Oswaldo Gloucestrie Cum vacante nuper prioratu vestro per mortem fratris Ricardi novissimi prioris ejusdem ordinacio providendi de priore ad nos qui patronus vester sumus et prelatus pleno jure sicut constat fuerit devoluta nos utilitati congregacionis vestre paterna affeccione subvenire cupientes ut dum vestris commodis vigilanter insistimus ecclesie pocius secundum Deum prospicere censeamur quam persone fratrem Ricardum de Bath[amptone] ordinis Sancti Augustini capellanum nostrum virum in spiritualibus providum in temporalibus circumspectum in regimine discretum subjacendo ac nonnunquam premuniendo laudabiliter expertum cujus mores honeste conversacionis sinceritas tam juxta latus bone memorie domini W[alterus] predecessoris nostri quam nostrum quatenus humane condicionis fragilitas tollerat multipliciter recommendat vobis auctoritate ordinaria et potestate libera preficimus in priorem plenam administracionem in spiritualibus et temporalibus prioratus vestri eidem tenore presencium concedentes Quocirca devocioni vestre in virtute sancte obediencie firmiter precipiendo mandamus quatinus dictum fratrem Ricardi priorem vestrum reverenter admittentes eidem tanquam priori vestro per nos canonice instituto decetero obediatis et humiliter per singula intendatis sicut decet Datum apud Kirkeby Ravenswathe iiii Idus Junii anno domini MCCLXXXI et pontificatus nostri secundo