Charter Document - 07031559
| Charter Number: | 07031559 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f50v) |
Charter:
Universis sancte matris ecclesiis filiis presentes litteras inspecturis vel audituris prior et conventus Dunelmensis ecclesie salutem in salutis Auctore Noverit universitas vestra quod nos volentes et unanimiter consencientes quod ecclesia de Skypwyth Eboracensis dyoecesis ad nostrum spectans patronatum in ecclesia de Houedene prebenda efficiatur et ibidem in numero prebendarum perpetuo computetur nos ordinacioni reverendi patris in Christo ac domini W[illelmus] Dei gracia [] de unanimi assensu et voluntate communi salvis nobis omnibus juribus et libertatibus in eadem ecclesia hactenus usitatis totaliter submittimus ratum habentes et acceptum quicquid predictus dominus archiepiscopus tam de statu dicte ecclesie in prebendam prefate ecclesie de Houeden creande quam de porcione perpetui vicarii in eadem ad nostram presentacionem preficiendi duxerit statuendum ordinandum seu providendum In cujus rei testimonium sigillum commune capituli nostri presentibus est appensum Datum Dunelm xiiij kalendas Februarii Anno Domini MCCLXXIX