Charter Document - 07031548
| Charter Number: | 07031548 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Inquisition |
| Date: | 1280 - 1285 |
| Date type: | Assigned |
| Resource Link(s): |
Borthwick Institute - Register 3 (f49v) |
Charter:
Inquisivi diligenter per legales tenentes vestros de villa de Hextildesham et per vicinos fideles ejusdem libertatis secundum tenorem littere incluse michi nuper directe quid juris Emma filia Rogeri le Peleter de Hextildesham habeat vel habere debeat in uno mesuagio [] quod mesuagium et quam terram intendit petere versus priorem de Hextildesham et Thomam filium Johannis Maleherbe Willelmum Cocke Willelmum de Neseby et Willelmum presbiterum de Ocelay qui dicunt super sacramentum suum quod Thomas filius et heres Rogeri le Peleter frater ipsius Emme petentis tenuit quoddam tenementum libere de predecessoribus vestris in capite pro ij solidis et iiij denarios annuis predecessoribus vestris et vobis reddendis et quod dictus Thomas dictum tenementum vendidit particulariter per multum tempus ante obitum suum jam xi annis elapsis Dicunt eciam quod Willelmus de Neseby tenet unum mesuagium quod Willelmus filius Waldef antecessor ipsius emit de predicto Thoma et tenet de vobis in capite et reddit per annum ij denarios Item Willelmus presbiter de Cocelay tenet unam placeam et unum croftum quam Gilbertus de Coselay antecessor ipsius emit de predicto Thoma et tenet de vobis in capite et reddit per annum xij denarios Item Thomas filius Johannis Malherbe tenet v acras terre de dicto tenemento quas Johannes pater ejus emit de dicto Thoma filio Rogeri le Peleter et tenet de vobis in capite et reddit per annum xij denarios Item Willelmus Cocke tenet dimidiam acram prati quam Robertus pater ejus emit de predicto Thoma et tenet de vobis in capite et reddit per annum ij denarios Item dicunt quod prior de Hextyldesham nichil de dicto tenemento tenet Dicunt insuper quod dicta Emma petiit dictum tenementum versus predictos per breve de recto in ultimo itinere justicia ariorum tempore vacacionis de quo capta fuit inquisicio in forma magne assise per quam dicta Emma perdidit quiete