Charter Document - 07031493
| Charter Number: | 07031493 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Announcement |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f47r) |
Charter:
Reverendo [] et amico solidissimo [] Prone promptitudinis libera gratitudo quam ad promocionem honoris nostre Eboracensis ecclesie ultro eciam impendere non cessatis non tam membrum ejusdem ecclesie precipuum vos profecto indicat quam patronum Grates itaque pater pro meritis referimus multiplices licet minime valeamus sufficere ad condignas Paternitati vestre attencius supplicantes quatinus procuratores nostros unacum expediendis nostris in Curia in recommendacionis affectum solita benivolencia amplectentes eisdem cum occurrerint vestre largiri dignemini circumspeccionis consilium in agendis Et ecce de status vestri continencia felicia semper ac prospera recipere intime acceptantes vestre amicicie nunciamus nos per Dei graciam votiva corporis sospitate vigere offerentes nos ad tam grati patris beneplacita et precepta promptissimos jugiter et devotos Conservet incolumitatem vestram salutis Auctor per tempora diuturna Datum []