Charter Document - 07031466
| Charter Number: | 07031466 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Recommendation |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f40r) |
Charter:
Reverendo in Christo patri et domino Jordanus Sanctorum Cosme et Damiani sacrosancte Sedis Apostolice dyacono cardinali suus devotissimus servulus et sacerdos W[illelmus] [] cum intima reverencia pronum semper pro viribus famulatum Ad incrementum utilitatis et honoris nostre si placet communis et languentis ecclesie Eboracensis que in plerisque prerogativis suis sicut satis solemnis et celebris reputatur ubi nomen ipsius per orbem quibuscumque auditoribus innotescit mutua nostri et diligens industria merito debet concurrere et conjungi et maxime ne oppressores sui qui hiis diebus contra libertates ipsius sevius solito invalescunt prout precordialis et predilectus noster filius magister H[ugo] de E[vesham] canonicus in eadem vobis brevius et absque occupacionis tedio intimabit suam quod absit sublimitatem sollicitam deprimant vel cacumen quod diebus nostris avertat Altissimus cuncta potens Manum igitur et mentem misericordie ad relevamen nostri desolacionis et masticis ad munimen ruine que imminet in ecclesia memorata ad honorem nostrum perpetuum votivis viribus et realiter apponatis ut tanta roboris et firmitatis columpna se gaudeat et sanciat per fulciri Et si quid pater reverende penes nos vobis placuerit quod possimus id vestro injungatis cum fiducia sacerdoti Conservet vos ecclesie et populo suo Deus per tempora longiora Data apud Wyltone iiii Idus Septembri anno gratie MCC octogesimo