Charter Document - 07031458
| Charter Number: | 07031458 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f38r) |
Charter:
Hec est forma evidencius declarata videlicet quod nos ad ecclesiam Dunelmensem accedentes visitabimus primo episcopum postea priorem et capitulum postea alias domos religionis prout inciderint et singulos decanatus rurales ita videlicet quod in singulis decanatibus vocabuntur atque convenient in nostra visitacione clerus et populus decanatus ejusdem et ibidem in uno loco qui convenire videbitur visitabuntur clerus et populus prout moris est decanatus ipsius ita quod in visitacione episcopi ab episcopo in visitacione prioris et ecclesie Dunelmensis a monasterio Dunelmensi in visitacione religiosarum domuum ab ipsis religiosis domibus in visitacione ruralium decanatum ab ipsis decanatibus ruralibus id est a rectoribus et vicariis decanatus ipsius singulis pro rata sui beneficii ad procuracionem hujusmodi collaturis nobis procuracio debita impendatur In nostris autem visitacionibus suprascriptis inquiremus de excessibus et peccatis et omnibus aliis que in visitacione metropolitica de jure fuerint inquirenda sive clam sive palam per modos quibus videbimus expedire coaccione sola ad jusjurandum excepta et quecumque per nostram inquisicionem invenerimus corrigenda de subditis episcopi videlicet priore et conventu Dunelmensi et eorum monachis [contra] domum Dunelmensem in cellulis et domibus ab eadem domo Dunelmensi dependentibus seu subjectis eidem commorantibus ipsi episcopo de mandabimus corrigenda nec ad eorum correcciones manus aliquas extendemus nisi propter negligenciam episcopi ex fluxu convenientis et certi temporis per nos eidem ad illa corrigenda prefixi ex certis indiciis presumendam qui nos super suis correccionibus reddet cerciores tempore oportuno correccionibus omnium aliorum et reformacionibus a predictis nobis pleno jure et canonice reservatis Si que autem in episcopo inventa fuerint emendanda ea cum omni curialitate atque modestia curialiter studebimus emendare []