Charter Document - 07031382

W[illelmus] permissione [] dilecto in Christo filii Archidiacono Richemundie vel [] officiali salutem [] Ex incumbente nostre sollicitudinis officio intendimus Dei cooperante gracia gratam et diligentem circa reformacionem animarum et morum in archidiaconatu Rychemundie curam placidam et providam pro viribus adhibere et ut inchoacionem prosperam in instanti visitacione nostra habeamus vobis de cujus fidelitate et devota obediencia constanter et plene confidimus injungimus et mandamus quatinus sub festinacione celeri animum et conscienciam vestram inquirendo et perscrutando precise et perfeccius informatis ut nobis de subsequentibus citra v kalendas Maii inhesit abilis responsio rite fiat videlicet de nominibus omnium ecclesiarum capellarum et vicariarum decanatuum de Kendale et Lounesdale et de Aumundernesse et de quibus locis et de valoribus earundem et que capelle habeant cimiterium baptisterium et ministeria cetera que incumbunt De nominibus eciam rectorum vicariorum et presbiterorum omnium in eisdem Item de ordinibus rectorum et vicariorum hujusmodi et quo tempore et ubi fuerint ordinati Item qui et quot plura habent beneficia que et ubi Item de nominibus non residencium rectorum et vicariorum Item qui beneficiati fuerint post Concilium et qui ante et qui post Concilium promoti infra annum sequentem non sint in presbiteros ordinati Quis sit eciam patronus hujusmodi ecclesiarum et si ecclesie ipse sint quibuscumque pensionibus onerate et quibus et in quanto et qua auctoritate efficiuntur forsan indebite censuales Item an consuevit esse vicarius alicubi ubi modo vicarius non est Item de nominibus ecclesiarum appropriatarum et quibus appropriate sint Item de nominibus ecclesiarum dedicandorum seu que alias reconciliande fuerint quoquo casu Item de intrusoribus clericis vel laicis in dictis decanatibus ubicumque Hiis igitur exacte et indubitanter discussis et perscrutatis nobis citra terminum superius firmtatum per vestras litteras patentes harum seriem continentes plenam et evidentem certitudinem rescribatis Ceterum citetis peremptorie omnes rectores et possessores detentores beneficiorum in dictis decanatibus quocumque nomine censeantur necnon et vicarios presbiteros ecclesiarum et capellarum et ceteros ecclesiis qualitercunque deservientes quod sint coram nobis et nostris videlicet divisim de decanatu de Kendale et Lounesdale iiij kalendas Maii apud Burtone et de decanatu de Aumundernesse ij kalendas Maii apud Kellet nostras exortaciones examinaciones et correcciones debitas subituri Et it a vos devote reverenter et fideliter habeatis in hac parte ne oporteat nos torporem cujusquam reprehendere quod nollemus Et certificetis nos de citatis hujusmodi distinctius et aperte Datum apud Clapham ij nonas Aprilis pontificatus nostri anno secundo