Charter Document - 07031334
| Charter Number: | 07031334 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f19r) |
Charter:
Suo [] decano de Herthille Meminimus nos per vices frequencius iteratas tibi nostris litteris dedisse in mandatis quod Ricardum de Vescy in ecclesia de Feriby nostre dyoecesis notorium intrusorum in specie seu nominatim ac alios quoscumque in scelere ipso presertim opem consilium eidem prestantes vel favorem in genere canonica monicione premissa majoris excommunicacionis sentencia denunciares publice involutos necnon super nominibus fautorum hujusmodi inquirere studeres diligenter nos cum de hiis per canonicam inquisicionem tibi constiterit in forma debita certificat urus sicut nostri tenor sol[l]iciti mandati exigebat Verum licet super multorum nominibus in premissis evidenter notatarum nos legitime cercioraberis ac contra ipsos ad nostrum mandatum obedientes processeris super quo tuam diligenciam commendamus fide dignorum tamen ex crebrescente relatu intelleximus quod dominus Willelmus de Vescy miles sub cujus alis predicte intrusionis enormitas potissime ut dicitur confovetur si rite processum fuerit in inquirendo merito debuisset annotari Quocirca devocioni tue firmiter injungendo mandamus quatinus vocatis rectoribus vicariis ac aliis tam laicis quam clericis per quos rei veritas manifestius valeat aperiri diligenter inquiras an predictus miles sic demeruerit in premissis quod inter ceteros excommunicatos annumerari debeat ob commissum Super hujusmodi execucione mandati nos post quam id debite execucioni mandaveris certificans per tuas litteras patentes harum series continentes Datum apud Kirkeby viij idus Octobri pontificatus nostri anno [primo]