Charter Document - 07031110
| Charter Number: | 07031110 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1280 |
| Date type: | Internal, Calendar, Regnal |
| Resource Link(s): |
Borthwick Institute - Register 3 (f9r) Reference Document for this Embedded Document |
Charter:
Edwardus [] vicecomiti Eboracensi salutem Cum venerabilis pater W[illelmus] Eboracensis archiepiscopus nos rogaverit ut ad custodiam hospitalis Sancti Nicholai extra Eboracum cujus advocacionem versus eundem archiepiscopum disracionavimus in curia nostra coram justiciariis nostris in eodem comitatu presentare faciamus aliquem clericum ydoneum qui de cura animarum ad ecclesiam parochialem ejusdem hospitalis spectante valeat respondere nos ipsius archiepiscopi rogatui in hac parte favorabiliter annuentes tibi precipimus quod per consilium justiciariorum nostrorum itinerancium apud Eboracum inquiras aliquem ydoneum sacerdotem vel clericum ydoneum qui in brevi se faciat in sacerdotem ordinari et ipsum predicto archiepiscopo nomine nostro presentes ad custodiam hospitalis predicti in forma predicta Teste me ipso apud Westmonasterium xij die Novembris anno regni nostri octavo