Charter Document - 07031097
| Charter Number: | 07031097 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f8v) |
Charter:
W[illelmus] [] venerabilibus fratribus eadem gracia Dunelmensi Karliolensi et Candide Case episcopis ac universis archidiaconis officialibus et aliis jurisdiccionem habentibus in dioecesi vel provincia Eboracensi salutem in Auctore salutis Quia Ricardus de Kyrkeby et Alanus de Thorpe canonici Beati Andree Eboracensis de ordine Sancti Gilberti Sempringhamie de habitu vel professione inpudenter ac inprovide non curantes nuper tanquam appostate et Dei malediccione involuti nectantur et furtive a conventu et consorcio recesserunt quos prior et conventus ejusdem loci pro eorundem offensa et contumacia excommunicarent concorditer et excommunicatos quatenus ad ipsos attinuit puplice nunciarunt nostram super hoc denunciacionem puplicam reverenter et humiliter inquirentes devocioni vestre cum instancia et sol[l]icite injungimus et mandamus quatinus eosdem Ricardus et Alanus pro excommunicatis et apostasiis per totam jurisdiccionem vestram faciatis nominatim et continue puplice in singulis ecclesiis proclamari donec aliud super hoc a nobis receperitis in mandatis Datum apud Burton xi kalendas Septembri []