Charter Document - 07031075
| Charter Number: | 07031075 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f7v) |
Charter:
In Dei nomine Amen Auditis et intellectis meritis visitacionis et inquisicionis per nos W[illelmus] Eboracensem archiepiscopum Anglie primatem factarum in monasterio de Seleby tam in capite quam in membris quia invenimus per deposiciones fratris Thome abbatis dicti monasterii necnon per deposiciones confratrum suorum dictum Thomam in officio divino et spiritualibus penitus negligentem dilapidatorem excommunicatum perjurum irregularem ac ad regimen monasterii inpotentem et omnino incorrigibilem et alias immeritum dictoque monasterio dampnosum ipsum in ejusdem Dei nomine ab administracione et regimine dicti monasterii pontificali auctoritate amovemus justicia exigent e statuentes eundem Thomam ad monasterium Dunelmense transmittendum ad penitenciam super commissis ad salutem anime sue ibidem salubriter peragendam ac ipsum in predicto monasterio Dunelmensi moram facturum donec de persona sua aliter duxerimus ordinandum