Charter Document - 07031043
| Charter Number: | 07031043 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1278 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f4v) Reference Document for this Embedded Document |
Charter:
W[alterus] [] dilectis in Christo filiis capitulo Beverlacensi salutem cum Dei et nostra benediccione A fide dignis frequenter audivimus et erubescimus in auditu quod exilia stipendia dilecti in Christo filii vicarii altaris Beati Martini et capelle Beate Marie Virginis Beverlaci in compassionis spiritu adeo detrectentur et eciam sibi sepius differuntur quod suprema premitur paupertate Percepimus eciam quod parochianorum protervitas ordinem et locum psallencium in memorata capella in tantum impedit et pervertit quod decus et honor ecclesiasticus vertitur in horrorem Dicitur insuper a plerisque quod idem vicarius ob astuciam quorundam de parochia liberam librorum vel calicis administracionem aut eciam ornamentorum ipsius ecclesie habere nequit ut convenit quoquomodo propter quod multociens obsequium decidit divinorum Ipsi eciam parochiani presbiteris adventiciis et advenis hujusmodi ornamenta committunt [et] liberant sicut volunt ea vicario viriliter denegando Nisi hec igitur infra Natale Domini per vos de capitulo ad propulsionem horroris congrue corrigantur ea ob negligenciam vestram ad limam reformacionis post dictum terminum protinus assumemus Bene valete Datum apud Patringtone iij kalendas Decembris anno pontificatus nostri xij