Charter Document - 07030934
| Charter Number: | 07030934 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f95r) |
Charter:
Suo decano de Herthille Cum Dominus noster Altissimus rerum omnium dispositor providus et creator decimam partem terrigenarum fructuum sibi suisque ministris in signum universalis dominii libere reservavit dum novem partes cultoribus amplissime largiretur non absque ingratitudine notabili in Dominum serviunt qui hunc censum suum subtrahunt seu quominus libere percipiatur a suis agunt alias fraudulenter divinam in seipsos miserabiliter excitando vindictam que ad damnacionem perpetuam nisi resipuerint parata est proh dolor contra eos quos eciam hec ecclesia militans spiritualis gladii mucrone persequitur lata sentencia sacro synodali approbante salubriter contra hujusmodi presumptores Accepto itaque non est dudum ex parte rectoris de Skerne nostre dioecesis quod nonnulli parochiani sui in devocionis spiritum induentes a debite devocionis semita motu temerario elongati garbales decimas parochie ejusdem sibi subtrahunt vel machinacione malivola colore impediunt exquisito quominus decimas ipsas more consueto et debito possit percipere et a campis libere abducere jure suo in ipsius rectoris dispendium et dictorum parochianorum periculum animarum devocioni tue mandamus quatinus parochianos ipsos moneas efficaciter et inducas quod rectori suo de dictis decimis et dampnis occasione subtraccionis malivole subsecutis seu impedimenti quominus abducerentur prefati celeriter satisfaciant ut tenentur alioquin eos tanquam non decimantes et libertatem ecclesiasticam dampnabiliter infringentes in majoris excommunicacionis sentenciam contra tales Dei et ecclesie adversarios []tissime promulgatam per singulas ecclesias tui decanatus puplice et solempniter in genere denuncies incidisse A qua denunciacione non cesses donec dicto rectori [de] premissis fuerit []ter et debite satisfactum Super quorum nominibus nihilominus diligenter inquiras Quos autem rite notatos [] inveneris citas peremptorie quod [] Datum []