Charter Document - 07030930

Presentatum fuit justiciariis per xij liberos et legales homines juratos ad certificandum eosdem de statu foreste super quibusdam capitulis forestam tangentibus quod Godefridus archiepiscopus Ebor at raserat sibi placita de viridi attachiamenta pro transgressionibus viridis facta in bosco de Blyzewrze et placita de nectantur captis in eodem bosco que quidem placita predictus archiepiscopus placita in curia sua de Suelle et amerciamenta inde percipit cujus causa preceptum fuit quod predictus archiepiscopus attachietur veniendi coram justiciariis inde responsurus Qui venit coram justiciariis ibidem per Johannem de Keygate attornatum suum ad hoc constitutum qui dicit et concedit pro predicto archiepiscopo quod ipse predicta de viridi placita et placitavit set placita de nocturnis non placita neque placitavit et quod non atraxit sibi placita predicta nec aliquam injuriam domino regi facit super hec eo quod Sewallus archiepiscopus predecessor ejus toto tempore suo predicta placita placitavit et similiter Walterus archiepiscopus predecessor predicti Sewalli predicta placita placitavit toto tempore suo ita quod per ipsum Godefridus in nullo est injuriatum domino regi Et quia justiciarii cerciorari voluerunt qualiter predictus archiepiscopus primo predicta placita placitare incepit et a quo tempore cum hoc sit manifeste contra assisam foreste cum predictus boscum de Blizewrze sit infra metas foreste et in rewardo injunctum est veredariis et regar datoribus de Brocolstowe et Thurgertona quod ipsi justiciarios certificent a quo tempore predictus archiepiscopus predicta placita placitavit et qualiter primo ingressus fuerit ad predicta placita placitandi Qui jurati super sacramentum suum dicunt quod ab omni tempore quo boscum de Blizewrze fuit in foresta solebant omnia attachiamenta de viridi presentar virid ad attachiamenta de Calvertona et ibidem pleg invenire veniendi coram justiciariis inde resp usque ad tempus quo predictus de Blyzewrze boscum captus fuit in manu domini regis pro wasto in eadem per Richardum de Herefort et Robertum Malure canonicos Suellenses et dominos ejusdem bosco quod quidem wastum dominus rex predicto archiepiscopo Walterus perdonavit qui predictum boscum tenuit tum racione custodie Walteri de Grey canonici nepotis sui cui illam prebendam contulerat que fuit Ricardi de Wrerefort qui medio tempore obiit tum eo quod predictus archiepiscopus [qui] superior est canonicis Suellie et homo magne potencie eo tempore incepit placitare placita predicta in curia sua et toto tempore suo placitavit Et post tempus ejusdem Walterus archiepiscopi Sewallus archiepiscopus toto tempore suo eadem placitavit Et post tempus ejusdem Sewalli Godefridus archiepiscopus toto tempore suo eadem placitavit Requisitus qualiter archiepiscopus Walterus tempore suo et allii archiepiscopi successores sui temporibus suis pro amerciamentis de viridi in curiis suis receperunt dicunt quod Walterus archiepiscopus tempore suo recepit xl solidos Sewallus suo tempore xx solidos et Godefridus tempore suo xx solidos Ideo loquendum cum domino rege