Charter Document - 07030916
| Charter Number: | 07030916 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1266 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f32r) |
Charter:
[] gere accidisse percepimus quod nonnulli clerici in suis partibus vinculo excommunicacionis astricti aut apostate aut irregulares aut alias suspensione sacrorum ordinum digni suam patriam in qua ipsorum habetur noticia fugientes ad partes remotas se transferunt ut se faciant ad hujusmodi ordines promoveri et quidam episcopi injusta moti misericordia super tales aliqui vero quod auditu horribile et facto profanum racione questus aut emolumenti dampnabilis quod exinde consecuntur illos passim et indifferenter in animarum suarum periculum et scandalum plurimorum ordinare presumunt quod decetero prohibemus statuentes ut nullus episcoporum Ytalie ulterius aliquem de partibus ultramontanis ordinare presumat nisi a nobis specialem licenciam habeat vel ab episcopo de cujus dioecesi oriundus hujusmodi tradit originem vel in cujus dioecesi beneficiatus extiterit per ejus patentes literas causam racionabilem continentes quare illum ordinare non voluerit vel non valuerit requisitus Ordinatos autem contra hujusmodi prohibicionem sine spe alicujus dispensacionis optinende esse volumus et ordinantes condigna pena puniri Preterea inhibemus penitenciariis nostris ne contra hujusmodi inhibicionis et statuti nostri tenorem cum ordinatis a non suis episcopis absque nostra consciencia speciali dispensare presumant vel tradere cedulas suas suis sigillis signatas per quas cum illis debeat dispensari Lecta Viterbi viij kalendas Junii pontificatus nostri secundo Clemens iiij