Charter Document - 07030906
| Charter Number: | 07030906 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1282 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f158v) |
Charter:
Willelmus permissione Divina [] Dilectis in Christo filii [] Capitulo Suwellensis salutem [] Meminimus nos vobis alias nostris dedisse litteris in mandatis quod domos edificia et loca ad prebendas et communem Suwellensis ecclesie intus vel extra qualitercumque pertinencia absque more dispendio convenienter faceretis et debite reparari Set ecce mandatum hujusmodi elusorium apud vos penitus relinqui conspeximus dum id debito mancipare effectui ut veraciter recepimus actenus minime curavistis quod grave gerimus procul dubio et molestum Quocirca devocioni vestre in virtute fidelitatis et fidei qua Deo et nobis tenemini ac sub pena sequestracionis fructuum prebendarum vestrarum firmiter injungendo mandamus quatinus negligenciam deponentes hactenus inprobe cumulatam edificia et loca [ad] prebendas vestras tam juxta ecclesiam Suwellensem quam extra qualitercumque contingencia infra tres menses a recepcione presencium faciatis congrue reparari alioquin pro tanta negligencia de proximis fructibus prebendarum vestrarum non obstantibus libertatibus ecclesie Suwellensis loca que refeccione eguerint ex tunc competenter refici faciemus per certum ministrum nostrum quem ad hoc specialiter decernimus deputandum Datum apud Lanum xv Kalendas Augusti pontificatus nostri anno tercio