Charter Document - 07030766
| Charter Number: | 07030766 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f90r) |
Charter:
Venerabili in Christo patri domino Dei gracia Hertfordensi episcopo W[illelmus] [] salutem quam genuit puerpera singularis Quamquam juris tradicio certa fuerit et distincta tamen cotidie emergencium exosa infinitas adeo inprobe se ostendit quod juris execucionem involvit assidue umbra ejus quod locorum ordinarios prudencius oportebit advertere ut eo vigilancius suam sollicitudinem exerceant circa gregem quo periculosius ab ipsorum requiretur manibus quod sanctiones canonicas deinde exequi famularum Sane fide dignorum relatu nuper accepimus deferente quod Thomas de Bramptone clericus qui in nostra dyoecesi beneficiatus cum cura animarum annexa existit in vestra dyoecesi beneficium similem curam habens optinet quod Wrlin ut dicitur nuncupatur licet nobis minime constiterit an licite possit retinere utrumque propter quod nostrum officium inpeditur Ea propter paternitati vestre attencius supplicamus quatinus investigare velitis an predictus clericus hujusmodi beneficium in vestra habeat dyoecesi et a quo tempore id habuerit ac quo titulo beneficium possideat antedictum nobis si placet per vestras patentes litteras dignantes rescribere quid inveneritis in premissis Et ecce mutua vicissitudine vobis in casu cor respondebimus consimili et in aliis vestra prosequemur beneplacita multum grate Conservet vos Altissimus per tempora feliciter successive Datum []