Charter Document - 07030765
| Charter Number: | 07030765 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f90r) |
Charter:
Venerande religionis viro domino [] abbati de Alnewyk Willelmus [] salutem cum incremento continuo gracie Salvatoris Sacra consuevit Romana ecclesia hiis majorum presertim causarum cogniciones committere quos tam nota sciencia quam probata fidelis industria sincerius commendabant Cum itaque discrecionis vestre fragrancia adeo extulerit nomen vestrum quod in causa pendente inter nos et Dunelmenses que coram arduis personis hactenus ventilata extitit estis judex tercius auctoritate apostolica deputati vestre benivolencie attencius supplicamus quatinus discussioni cause ejusdem velitis personaliter interesse ne quavis extorta commissio indebite justiciam obnubilet cui vestra preficitur discrecio ut regatur Absit utique quod aliqualis tepiditas vel necgligencia famam vestram maculet que redolet tam accepte Et ecce grates vobis referimus multiplices ex eo quod clericos nostros per vos pridie transeuntes hilariter recepistis Parati [sumus] ea favorabiliter prosequi que cedere noverimus votis vestris Valeat in Domino semper bene