Charter Document - 07030756
| Charter Number: | 07030756 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1283 |
| Date type: | Internal, A.D., Feast |
| Resource Link(s): |
Borthwick Institute - Register 3 (f88v) |
Charter:
W[illelmus] permissione divina [] dilecto in Christo filio Nicholao rectori ecclesie de Gyseley salutem gratam et benediccione Cum nobis instancius supplicaveris quod magister Johannes rector ecclesie de Berewyk vir providus et circumspectus quem procuratorem tuum constitueras coram nobis negocia tua et ecclesie tue per continuum triennium quo tibi studio vacare concessimus procurare possit et de omnibus fructibus et proventibus per totum predictum tempus ordinare et pro suo beneplacito disponere infra quod te et magistrum Willelmum de Waltone quem in nostra presencia in socium acceptasti annuatim xl marcas sterlingorum exhibeat residuis fructibus ultra summam predictam in tui utilitatem fideliter convertendis nos eo favorabilius tue instancie annuentes quo te studio apciorem cernimus quam cotidianis negociis quorum experiencia ex humeris [tuis] implicandam volumus et de utriusque vestrum assensu ordinando concedimus quod predictus magister Johannes per prefatum triennium a festo beati Michaelis anno gracie MCC octogesimo tercio numerandum fructus et proventus prefate ecclesie tuo nomine integraliter percipiat ac te et prefatum socium tuum per idem tempus ut promissimus exhibeat et residuos fructus in tuam utilitatem convertat ut superius est expressum volumus pro toto tempore antedicto proviso quod predictus magister Johannes de omnibus oneribus ordinariis et extraordinariis medio tempore respondeat que de ipsis residuis fructibus primarie segreget et deducat Valete Datum apud Otteley []