Charter Document - 07030747
| Charter Number: | 07030747 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1279 - 1285 |
| Date type: | Assigned |
| Resource Link(s): |
Borthwick Institute - Register 3 (f86r) |
Charter:
W[illelmus] permissione divina [] dilectis in Christo filiabus [] Priorisse et conventui de Appeltone salutem graciam et benediccione Provida regularis discipline tradicio introduxit ut quos domestice conversacionis cohercio commode dirigere non poterit ad salutem similis observancie regularitas locis discrete temperet in semotis Ceciliam igitur de Kerby monialem de Rossedale ad vos pro penitencia quam ei injunximus transmittimus peragenda que est videlicet ut claustrum in gradu ultimo cotidie custodiat divinis officiis diurnis nocturnisque vicibus vigilanter intendat in choro refectorio et locis aliis quibuslibet in conventu extremum statum habeat ac a communi solacio et exitu penitus excludatur donec respiracionis sue meritum suadeat quod ordinemus aliter de eadem Bene valete []