Charter Document - 07030742
| Charter Number: | 07030742 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1284 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f85r) |
Charter:
Venerabili in Christo patri domino [] Dei gracia Dulkendensi episcopo W[illelmus] permissione Ejusdem [] salutem et sincere caritatis incrementum continuum coram Christo Conveniens cernitur et honestum ut quos divina clemencia pares in ordine constituit mutua relevent graciarum subsidia et benigne sollicitudinis amplexum in emergentibus hinc inde negociis debita solidet gratitudo Sane summa confidencia quam procuratores nostri in Romana Curia de vestra discrecione provida et industriosa gerebant constancia eos inpulit adeo et allexit quod in causa pendente inter nos et capitulum Dunelmense que in Anglie tractabitur hiis diebus in vos pro medio judice tutis affectibus nostro nomine consenserunt quod et nos dum id ad nostram pervenire noticiam optentu fragancie fame vestre que multipliciter comendatur acceptavimus leta manu sperantes firmiter quod hoc ex celesti munere processerit ut in discussione tam grandis negocii ob meritum justicie quam fove bitis exaltetur sublimius nomen vestrum Care igitur paternitati vestre prona instancia supplicamus quatinus in predicta causa velitis personaliter cognoscere vel saltem aliquibus canonicis ecclesie vestre quos solidiores attenderitis vices vestras si placet committere non suspectis ne causa ipsa in manibus vestris pariat cui perficimini precipue ut regatur super quo vestram oneramus conscienciam coram Altissimo in districtissimo die Conservet incolumitatem vestram per tempora felicia Filius Virginis gloriose Datum apud Wylton iii idus Julii Anno gratie MCC octogesimo quarto