Charter Document - 07030741
| Charter Number: | 07030741 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1284 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f85r) |
Charter:
W[illelmus] permissione divina [] dilecto in Christo filio Decano Christianitatis Ebor Clericorum conversacio tante maturitatis honestate fulgere deberet quod laicorum devocio ex eo pinguesceret et erigeretur fervencius ad honorem ecclesie obtentu vite laudabilis ministrorum Licet nonnulli clerici in civitate nostra degentes contrario modo se habeant ut wlgus clamitat at[t]estatur dum non in scolis nec in ecclesia sollicitudinem suam exhibent quin pocius vicos cotidianis discursibus visitant ludibriis et la[s]civi[i]s vituperio se offerunt contenciones et deteriora nonnunquam perpetrando suscitant ex quibus non clerici set vagabundi vulgariter nuncupantur in ministerii nostri obprobrium et ordinis scandali manifestum Quocirca devocioni tue firmiter injungimus quatinus super hujusmodi vagorum nominibus inquisicionem facias diligentem eosque moneas quod si in civitate sub proteccione ecclesiastica deinceps morari voluerint scolas exerceant a predictis illecebris totaliter abstinendo alioquin ipsos in nullo casu adverse fortune protegi volumus auctoritate ecclesiastice libertatis quod si rebellium protervitas exegerit seculari denuncies potestati Datum apud Thorp iii idus Marcii pontificatus nostri anno quinto