Charter Document - 07030733
| Charter Number: | 07030733 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1284 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f83r) |
Charter:
W[illelmus] permissione divina [] Dilecto in Christo filio Domino Edmundo de Deyencurt militi Vacante nuper prioratu de Thurgertone nostre dyoecesis per cessionem fratris Roberti de Baseforde quondam prioris quam admisimus subprior et conventus loci ejusdem petita a nobis prout moris est licencia et optenta vocatis concanonicis omnibus qui interesse debuerant ad eleccionem more solito processerunt Quorum eleccionem nobis exhibitam pro eo quod eam minus canonicam invenimus et discordem tantum justicia cassavimus exigente et domui cujus cura spiritualiter nobis incumbit quam non nisi cum gravi nostro periculo relinquere poterimus desolatam ydoneo quatenus a Deo concepimus providimus de priore prefate ecclesie Igitur de persona fratris Gilberti de Ponte Burgi canonico de Sancto Oswaldo viri utique in spiritualibus providi et in temporalibus circumspecti qui a magna parte conventus de Thurgertone et aliis fide dignis plurimum comendatur providimus quem ex parte prefati conventus juxta composicionem inter vos et ipsos ut dicitur initam vobis volumus presentari ut huic provisioni nostre que vice eleccionis succedit vestrum honestum prebeatis assensum rogantes quatinus prefatum Gilberti in priorem quem creavimus gratanter et benivole admittatis cujus mores et merita habebitis dante Domino comendata Datum apud Wyltone vii idus Julii pontificatus nostri anno quinto