Charter Document - 07030730
| Charter Number: | 07030730 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1282 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f81v) |
Charter:
Willelmus permissione divina dilecto sibi in Christo Decano de Bulmer salutem gratiam et benediccionem Reprobos et ecclesiasticis ministeriis indignos non tam sanctorum patrum sancciones ad ecclesiastica beneficia promoveri prohibent quam deici statuunt et precipiunt exigentibus demeritis jam promotos Cum igitur Ricardum de Kesham qui aliquando rector ecclesie de Eskrike nostre dyoecesis ex multiplicibus causis notoriis per commissarios nostros predicta ecclesia judicialiter et canonice privaverimus ac ecclesiam ipsam per sentenciam declaraverimus sic vacantem tibi mandamus quatinus diebus Dominicis et aliis solemnibus et festivis in ecclesia ipsa de Eskrig et aliis circumjacentibus et vicinis edicto publice proposito denuncies et solempniter denunciari facias predictam ecclesiam sic vacare ut quicumque ejusdem ecclesie verus patronus extiterit quod suum fuerit exequatur adiciens quod a denunciacione hujusmodi ad presentandum ad eandem patrono qui fuerit tempus curret Qualiter autem hoc nostrum mandatum fueris executus nos infra quindecim dies a recepcione presencium distinccius et aperte certificas per tuas litteras patentes harum seriem continentes Vale Datum apud Scroby vii kalendas Februarii Anno pontificatus nostri tercio