Charter Document - 07030728
| Charter Number: | 07030728 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1284 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f81v) |
Charter:
Oliverus permissione divina Lincolniensis episcopus dilectis in Christo filiis decano et capitulo ecclesie nostre Lincolniensis ac Lincolnie et Stowye archidiaconis officialibus rectoribus vicariis et capellanis eorundem archidiaconatum universis salutem in Eo a Quo salus omnibus provenit et augetur cum gracia et benediccionis augmento Cum supra fidem devotam et eciam spem invictam Christi caritas perfeccionis gradum ad triumphi gloriam ascendere dinoscatur nos pre ceteris meritoriis caritatis opera precipue comendantes inter que construccionem sustentacionem et reparacionem ecclesiarum Sanctorum Dei cum necessitas ingruit et precipue quibus affeccione paterna solacio quo possumus providere tenemur pietatis excer[ci]cium non modicum reputamus ut per allectiva indulgencia[rum] munera devotos animos promcius ad premia provocemus omnibus et singulis nostre dyoecesis de peccatorum suorum maculis vere contritis fideliter et confessis ac aliis eciam universis quorum prelati hactenus indulserint vel in futurum in hoc nostra beneficia sibi prosint qui ad sustentacionem seu propagacionem aut reparacionem fabrice ecclesie gloriosi confessoris beati Nicholai in suburbio civitatis Lincolniensis cujus campanile ligneum nuper ignis voragine casu miserabili campanis fractis lapid[e]a strue turbata totaliter est destructum grata de opibus suis animo devoto contulerint suffragia caritatis de Omnipotentis Dei misericordia beatissime Marie Virginis gloriose beati Nicholai beati Thome ejusdem ecclesie patronorum omniumque sanctorum meritis et precibus confidentes viginti dies de injuncta sibi penitencia auctoritate pontificali misericorditer relaxamus omnibus nostre dyoeceseos parochianis vel aliorum prelatorum [ut] beneficia consimilia pro tam pii operis adjutorio sibi prosint tenore presencium insuper indulgentes Vos igitur pro participacione indulgencie hujusmodi ad execucionem negocii aures vestras cum requisiti fueritis favorabiliter accomodare velitis In cujus rei testimonium sigillum nostrum presentibus est appensum Datum apud Lidingtone xviii kalendas Julii Anno domini MCCLXXX quarto et pontificatus nostri quinto