Charter Document - 07030727
| Charter Number: | 07030727 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f81r) |
Charter:
Memorandum Officialis curie Eboracensis discreto viro officiali Dunelmensi salutem in salutis Auctore Sua nobis Walterus de Ponte peticione monstravit quod cum Radulphus Scep de Novo castro ipsum super quadam pecunie summa coram vobis auctoritate ordinaria non ex delegacione apostolica cognoscentibus convenisset vos in causa ipsa perperam procedentes iniquam contra eundem tulistis sentenciam diffinitivam a qua idem Walterus per procuratorem legitimum Sedem Apostolicam et pro tuicione Sedem Eboracensem legitime prout asserit appellavit Quocirca vobis inhibemus et per vos quibuscumque commissariis et ministris vestris inhiberi volumus et mandamus ne pendente in curia Eboracensi prefata appellacionis causa occasione hujusmodi aliquid at[t]emptatis seu attemptari faciatis in prejudicium partis appellantis quominus liberam prout est juri consonum prosecucionem appellacionis habeat utriusque citantes nihilominus partem appellatam quod compareat coram nobis in majori ecclesia Eboracensi die Sabbati proxima ante festum Sancti Michaelis in dicta appellacionis causa processurus et recepturus quod dictaverit ordo juris et vos ibidem intersitis si vestra videritis interesse Diem vero recepcionis presencium citacionis facte formam et quid inde feceritis vestris patentibus litteris harum seriem continentibus nobis fideliter intimetis Datum apud Lanum ii Nonas Augusti Anno gratie MCC octogesimo