Charter Document - 07030726
| Charter Number: | 07030726 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1279 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f81r) |
Charter:
Nicholaus episcopus servus servorum Dei venerabili fratri Eboracensi archiepiscopo salutem graciam et benediccionem Sua nobis parochiani capelle de Knayuetone peticione monstrarunt quod licet rector ecclesie de Leke qui est pro tempore tue dyoecesis teneatur in capella ipsa de antiqua et approbata et hactenus pacifice observata consuetudine ter in ebdomada missarum solemnia celebrare certis propter hoc ab ipsis parochianis eidem ecclesie reditibus assignatis tamen magister W rector predicte ecclesie id facere indebite pretermittit quamquam idem rector redditus cum integritate percipiat memoratos propter quod iidem parochiani paciuntur defectum non modicum in divinis Unde petebant a nobis ut rectorem ipsum quod in eadem capella premissis diebus divina hujusmodi celebret vel quod eis redditus restituat memoratos compelli per discretum aliquem faceremus Quocirca fraternitati tue per apostolica scripta mandamus quatinus partibus convocatis audias causam et appellacione remota debito fine decidas faciens quod decreveris per censuram ecclesiasticam firmiter observari Testes qui fuerint nominati si se gracia odio vel timore subtraxerint censura simili appellacione cessante compellas veritati testimonium perhibere Data Viterbii x kalendas Octobri pontificatus nostri anno secundo