Charter Document - 07030722

Universis sancte matris ecclesie filiis hoc presens scriptum visuris vel audituris Willelmus permissione divina Ebor Archiepiscopo Anglie primas salutem in sanctissimis amplexibus Salvatoris Inter ceteras occupaciones que nostre solicitudinis officio annectuntur illam cernimus studiosius amplectendam qua divino cultui deditos qui tam seculo quam proprie voluntatis sponte renunciantes arbitrio sub religioso habitu contemplativam vitam ducere elegerunt prompcioribus foveamus affectibus et uberiorem largicionum subsidiis gracius prosequamur Convertentes itaque provide consideracionis intuitum in dilectos in Christo filios priorem et conventum de Pontefracto ordinis Cluniacensis nostre dyoecesis qui religiose vivendo Deo devocius obsequentes hospitibus liberales se exhibent ac pauperibus gratanter subveniunt et egenis propter que et alias necessitates multiplices multa eos nonnunquam subire oportet onera expensarum ipsorum indigenciis paternis visceribus sic prospicere curavimus quod opulencius inposterum favente Altissimo abundabunt ad pia hujusmodi onera expensarum supportanda Igitur In Dei nomine Amen Cum prefati prior et conventus de Pontefracto ordinis Cluniacensis nostre dioecesis ecclesiam de Silkestona sui patronatus nostre dyoecesis ac eciam totum jus quod in ecclesia habent et habuerunt memorata cum omnibus juribus suis et pertinenciis nostre ordinacioni supposuerint ac pure simplici ter et absolute submiserint nos tandem invocata Spiritus Sancti gracia habita deliberacione sufficienti de consilio peritorum sic duximus ordinandum videlicet quod in ecclesia de Sylkestone sit perpetua vicaria cujus collacionem institucionem et destitucionem nobis et successoribus nostris pleno jure inperpetuum reservamus Que vicaria consistit in porcionibus infrascriptis videlicet quod quilibet vicarius ibidem per nos vel successores nostros instituendus habeat omnes terras dominicas culturas et prata cum omnibus juribus et pertinenciis tam in pasturis pascuis planis et moris quam aliis commoditatibus Item [] totum mansum rectoris cum grangiis virgultis bercariis piscariis vivariis et omnibus pertinenciis suis Item [] decimas omnium garbarum villarum de Sylkestone et de Holande cum decima feni tocius parochie de Sylkestone cum capellis [excepta decima] feni de dominicis prioris et conventus de Pontefracto apud Bernesley Item [] decimas omnium molendinorum tocius parochie supradicte cum capellis exceptis molendinis dictorum prioris et conventus apud Bernesley Item [] terras et redditus cum omnibus suis juribus et pertinenciis omnium tenencium ecclesie de Sylkistone cum capellis exceptis tenentibus de Bernesley cum terris suis ad rectoriam ecclesie de Sylkestone quondam spectantibus Item [] decimas ferri fodinorum et omnes alias decimas personales cum omnibus decimis lane agnorum pullorum porcellorum vitulorum aucarum gallinarum ovorum albi lini cannaby necnon et omnia mortuaria tam vivorum animalium quam alia cum omnimodis oblacionibus principalibus et aliis quibuscumque et omnibus aliis obvencionibus ad alteragium ecclesie de Sylkestone cum capellis suis qualitercumque et quocumque nomine censeantur pertinentibus Que omnia supradicta dicte vicarie et cuicumque vicario ibidem per nos vel successores nostros pleno jure instituendo perpetue assignamus Item ordinamus et ordinando statuimus quod dicti prior et conventus de Pontefracto et sui successores inperpetuum habeant ecclesiam de Silkestone cum capellis suis et quicquid ad easdem ecclesiam et capellas pertinet in usus proprios exceptis vicaria et suis porcionibus prout superius sunt distincte Quam ecclesiam de Silkestone cum suis capellis eisdem priori et conventui de Pontefracto et eorum monasterio appropriamus ac in proprios et perpetuos usus eorum domini auctoritate ordinaria prout premittitur assignamus Item ordinamus quod vicarii supradicti eidem ecclesie de Sylkestone et suis capellis per se et alios ministros sufficientes in debito et consueto numero ydonec faciant de serviri In libris eciam et ornamentis ecclesie competentibus quociens opus fuerit provideantur Inveniant luminaria consueta Archidiacono loci de procuracionibus respondeant et alia onera ordinaria sustineant universa Onus autem cancelli construendi erigendi seu reficiendi tam in ipsa ecclesia quam in suis capellis ad vicarios pro tercia et ad eosdem priorem et conventum pro duabus partibus decernimus pertinere Extraordinaria siquidem onera quociens emerserint tam dicti prior et conventus pro duabus partibus quam eciam vicarii pro tercia agnoscant subeant et subportent salva nostre Eboracensis ecclesie in omnibus dignitate In premissorum vero testimonium sigillum nostrum et sigillum dictorum prioris et conventus huic instrumento bipartito sunt apposita alternatim Datum apud Torp Kalendas Aprilis Anno domini MCC octogesimo quarto pontificatus nostri anno quinto