Charter Document - 07030702
| Charter Number: | 07030702 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f70v) |
Charter:
Venerabili in Christo patri et amico karissimo domino Godfridus Dei gracia Wygorniensi episcopo W[illelmus] permissione [] salutem et ad vota votivam promptitudinem et devotam Gerimus pater et attendimus quod verba Eboracensis ecclesie que jactastis in minoribus constituti ad antique matris commodum et honorem speciali amoris privilegio vos commovent et invitant Sane recepimus pro constanti quod episcopus et capitulum Dunelm sopitis contenciis et jurgiis inter bone memorie dominum Walterus predecessorem nostrum germanum vestrum et eosdem super visitacione metropolitica habitis ut novistis per suas patentes litteras confessi fuerant quod predictum predecessorem nostrum suosque successores ad visitacionis officium absque contradiccione qualibet reverenter admitterent in futurum quas quidem litteras sub vestra tutissime credimus reservari custodia inter cetera instrumenta ad vos forsitan devolutas Provide paternitati vestre attencius supplicamus quatinus litteras hujusmodi in scriniis vestris et in locis ubi ipsas reponi estimaverit is investigari faciatis si placet diligencius et requiri eas nobis transmittentes quam cicius facultas se obtulerit nostris precibus et amore ut vobis teneamur ad gracias et gracias ampliores Conservet [] Datum apud Wyltone Kalendas Octobri Anno gratie MCCLXXX primo