Charter Document - 07030701
| Charter Number: | 07030701 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f70r) |
Charter:
Venerabili in Christo patri domino Godfridus Dei gracia episcopo Wygorniensi Willelmus permissione [] salutem et ad honorem ac beneplacita promptissimam voluntatem Ad mutuam nostri et executorum bone memorie domini Walterus predecessoris nostri exoneracionem et ut omnia que latitant indiscussa in lucem deducantur evidencius et clarescant placeret nobis quod et vobis credimus complacere videlicet quod executores certis die et loco quam cicius fieri poterit nobiscum vel cum illis quos deputandos duxerimus vice nostra cum inventariis et aliis omnibus ad ministracionem suam contingentibus sufficienter instructi unanimiter convenirent ut communiter tractare possimus compendiosius super singulis que incumbunt Ecce siquidem post discussionem in premissis legitimam et communem satisfacto prius de decima pro tempore predecessoris nostri integraliter prout mandatum collectorum quod [] exigit et requirit parati erimus sumus eciam regium mandatum reverenter exequi ut tenemur Ceterum de sequestro fructuum prebende de Staynwegges cujus meministis nichil certum rescribere possumus neque scimus pro eo quod ad resignacionem Eadmundi nepotis vestri tunc prebendarii absolutam domino Antonius Beck prebendam ipsam contulimus nullo penitus reservato nec quidem testamentum ipsius seu alterius cujuslibet inpugnare credimus quod absit aliqualiter seu turbare quin pocius testancium voluntatibus providere cupimus salubriter et favere Datum apud Wyltone vi Kalendas Octobri []