Charter Document - 07030699

W[illelmus] permissione [] dilectus in Christi filii Priori et conventui Karliolensi salutem Licet vos in specialem affeccionem recepimus ac tanquam nobis devotos benivolos et acceptos favore prosequi disposuerimus ampliori ecce vos latentes insidias nobis subdole procurantes ac Apostolicis litteris ut recepimus abutentes in nos qui excommunicari nequivimus seu suspendi absque mandato Sedis Apostolice speciali juxta indulta nobis privilegia ab eadem ac officialem nostrum post inhibicionem in causa tutoria appellacionis ad nostram sedem Eboracensem legitime ut asseritur interjecte juxta approbatam consuetudinem ecclesie nostre hactenus et optentam judici vestro succentori Dunelmensi factam canonice ab eodem per eundem succentor em excommunicacionis sentencias de facto fecistis nuper et indebite promulgari sic famam status nostri quantum in vobis est quod ex eo verisimiliter comprobatur quod vestra originalia instrumenta penes succentor em resident memoratum que remanere consueverant penes partem capciosius deformando sentencie majoris excommunicacionis omnino immemores que contra libertates privilegia jurisdiccionem et approbatas consuetudines ecclesie nostre Eboracensis infringentes antiquitus extitit et existit salubriter promulgata Et quamvis eedem sentencie a succentor predicto de facto late de jure nichil optineant firmitatis quin pocius nulle re ipsa et vacue penitus censeantur Verumptamen quia id quod a vobis quorundam persuasionibus forsitan circumventis incaute et de facto presumptum seu procuratum noscitur in hac parte per vos expedit solercius et consulcius revocari ut sic ulcionem effugiatis canonicam in premissis vobis districte mandamus quatinus prenotatas sentencias in nos et officialem nostrum de facto et indebite ut premittitur promulgatas procuretis absque more dispendio revocari alioquin non possumus nec debemus dissimulare ulterius quin contra vos super hiis et aliis viriliter procedamus ac vos pena qua convenit in quantum de jure poterimus persequamur Valete []