Charter Document - 07030697
| Charter Number: | 07030697 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 3 (f70r) |
Charter:
Pateat universis presentes litteras inspecturis quod nos Willelmus permissione [] exilitatem et facultatum penuriam qua hospitale Beate Marie Magdalene de Bautre nostri patronatus premitur anxius et gravatur adeo quod ad extremam inopiam jam pervenit ita quod divinum obsequium ibidem fere decidit pre defectu in compassionis amplexibus intuentes ac caritative devocionis studio relevare cupientes quibus valemus subsidiis oportunis sollicitis precibus et instanciis Rogeri tunc magistri hospitalis ejusdem Gilberti de Wegeland ac Beatricis uxoris ejusdem qui ordinacioni nostre tam in personis suis quam in bonis prestito corporali sacramento se simpliciter submiserunt favorabiliter inclinati ad sublevacionem egestatum et reparacionem defectuum hospitalis memorati concedimus et tenore presencium ordinamus quod predictus Gilbertus cum uxore sua et bonis in usus hospitalis commodius convertendis in predicto hospitali se recipiat et uterque ipse videlicet et uxor ejus predicta suo perpetuo honeste inibi conversentur pro suo beneplacito et morentur ac idem Gilbertus tanquam administrator seu procurator hospitalis ejusdem de consilio magistri qui pro tempore fuerit domus negocia extrinsecus regat utiliter et procuret proviso quod commune magistri ipsius Gilberti et uxoris prefate consilium in omnibus agendis conveniat concorditer et concurrat Ceterum altero ipsorum conjugum in fata postmodum decedente qui superstes fuerit quamdiu caste vixerit ibidem licite moram trahat Si vero ad alia vota nupcialia transierit recedat penitus bonis suis omnibus penes magistrum hospitalis remanentibus totaliter et relictis Quod quidem de bonis fieri volumus ut penes hospitale resideant si forsan iidem conjuges alias ab eodem recedere voluerint et alibi conversari Huic autem nostre ordinacioni assistentibus fide dignis a magistro hospitalis predicti Gilberti et Beatrice uxore ejusdem acceptabiliter approbate sigillum nostrum duximus appendendum in testimonium premissorum Datum apud Scroby vi Idus Septembri Anno gratie MCC octogesimo primo et pontificatus nostri anno secundo