Charter Document - 07030694
| Charter Number: | 07030694 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f69v) |
Charter:
Reverendo in Christo patri domino Johannes Dei gracia archiepiscopo Dublinensi et venerabili viro magistro Ardicioni Sedis Apostolice nuncio collectoribus decime in Terre Sancte subsidium concesse W[illelmus] [] salutem [] et in sanctis operibus mereri jugiter coram Christo Amicissimi domini et benivoli nostri de multiplicibus beneficiis in expediendis nostris apud vos nobis graciose et liberaliter impensis frequencius ut advertimus grates Deo referentes amplissimas ut astringimur in immensum ad sere nacionem conscienciarum vestrarum et nostre eciam dilectos clericos nostros exhibitores presencium unacum rotulis et munimentis summam proventuum et exitum archiepiscopatus Eboracensis pro tempore nostro et predecessoris nostri in vero valore plenius continentibus ut evidencius informamini super istis ad vestram duximus presenciam destinandos rogantes attencius quatinus Deum habentes pre oculis ultra ea que perceperimus nostris temporibus que discussione habita liquere poterunt coram vobis non sustineatis si placet nos gravari aliqualiter seu requiri Ecce etenim pro nostro arbitrio parati erimus secundum Deum et justiciam subire onera que incumbunt Conservet vos Deus per tempora feliciter successiva Datum apud Alwentone v Idus Augusti et Anno []