Charter Document - 07030688
| Charter Number: | 07030688 |
|---|---|
| Cartulary Title: | The Register of William Wickwane, Lord Archbishop of York, 1279-1285 |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1281 |
| Date type: | Assigned |
| Resource Link(s): |
Borthwick Institute - Register 3 (f69r) |
Charter:
Serenissimo principi domino A[lexander] Dei gracia regi Scottorum illustri W[illelmus] [] salutem et felices ad Dei beneplacita semper successus Celsitudinis vestre instanciam nobis pro Beatrice de Wytefelde nuper oblatam favorabili exaudicionis aure ob vestri reverenciam admittentes eam gracia qua convenit ampliori optato effectui mancipare cupimus jure tamen non offenso proinde cum ipsa Beatrix ordinaria auctoritate suffraganei nostri carcerali custodie ut suggeritis mancipata caucionem obtulerit de parendo juri qua non admissa quin pocius spreta continuata oppressione affligitur ut asseritur minus juste causam sui gravaminis si sibi expedire viderit ad nostrum consistorium legitime presentari procuret Nos vero cum causam ipsam ad nostrum conspexerimus canonice devolvi examen partibus favente Domino justicie exhibebimus complementum Si quidem contra partem inauditam nichil statuere possumus quin justiciam quod absit procul dubio offendamus Datum apud Hextildesham vi Nonas Julii